網石遊戲Netmarble Games宣佈全球2億玩家引頸待盼嘅經典MMORPG《石器時代》正宗續作《石器時代：起源》（iOS / Android）已於今(28)日港澳雙平台震撼公測。

《石器時代：起源》香港版登入畫面

進入石器時代 尋找恐龍起源
《石器時代》一款千禧年風靡全球嘅OnlineGame，以可愛2D風格同當時少見嘅回合制模式成功吸納一班忠實玩家，直到而家都有唔少老玩家希望搵返當初嘅感動。
而家手機遊戲《石器時代：起源》繼承前作《石器時代》嘅經典內容，以 3D 動畫風格重新塑造遊戲入面嘅人物、恐龍同場景，加入符合目前手機遊戲特性嘅社群功能等多種遊戲模式，以及更豐富嘅恐龍管理系統等。

一貫韓國遊戲特色，每日登入可以拎到豐富獎勵，啱晒我呢啲無課/輕課玩家

廣闊嘅石器大陸，玩家會喺到經歷連場嘅史詩大冒險

拉動主介面到左邊會發現角色同恐龍喺到打緊邊爐


跟住任務故事關卡行會解鎖越嚟越多嘅同伴，而每位同伴都有唔同嘅特色技能，請以解鎖心愛角色為目標去享受遊戲啦！

為咗增加遊戲耐玩度每位角色嘅解鎖條件都唔同，馴獸師你地有冇信心收集晒所有角色？


本作可以透過解鎖同升級技能增強角色能力，而裝備系統都係培養角色變強另一種手段

石器時代之「魂」 恐龍模式全介紹
《石器時代：起源》喺恐龍同戰鬥系統方面忠實還原前作《石器時代》重點元素，除咗捕捉(BOSS係捉唔到架)、培養大家耳熟能詳嘅恐龍外，包括機械暴龍「帖拉所伊朵」、「巴朵蘭恩」、小豬「烏力烏力」等恐龍都會以 3D 重新繪製登場，每隻恐龍都擁有獨特個性同專屬動作，當中恐龍外觀會隨住自身星數改變，可以見到喺新鮮感同創意兩方面廠方都落足心機。

而喺鑽研要素方面《石器時代：起源》仲保留咗原作嘅隨機素質呢個特點，當中更仲加咗「性格」系統呢個隨機項目，就算係一模一樣嘅恐龍喺性格同素質方面都會係獨一無二。
另外，每隻恐龍都可以裝埋裝備強化能力，而裝備亦會有稀有度。所以，偉大嘅馴獸師你地要俾心機過關拎神裝呀！

每隻恐龍有唔同嘅稀有度，不過最重要都係恐龍技能之間嘅配搭

寵物性格會影響第日寵物升級時嘅能力素質


以烏力斯坦為例，就算大家都係相同等級同星數不過戰鬥力同性格上都係有分別，玩家想培養完美恐龍相信要花更多嘅心思同運氣

多元系統　延續16年前嘅夢想家族
除左上面提到嘅人物同恐龍介紹外《石器時代：起源》仲會有唔同嘅挑戰模式充實遊戲內容，務求保持遊戲嘅新鮮感唔會咁快悶。當中「牧場」可以訓練寵恐龍提高忠誠度同改變恐龍性格﹑「討伐隊」可以邀請好友進行4人共鬥刷出大量升級肥料﹑「突襲戰」可以同朋友合力挑戰巨大BOSS拎稀有獎勵﹑「虛無洞穴」會帶俾各位馴獸師無盡嘅挑戰，最後「競技場」就係誕生尼斯大陸最強馴獸師嘅舞台！

「部落」系統就可以集合一班志同道合嘅玩家，入面仲可以一齊參加部落遠征隊為部落榮耀而戰添，部落成員喺參加遠征關卡時仲會有部落技能加乘效果增強戰鬥力。而各部落之間會設有排名競爭，喺每個星期結算之後全伺服排名第一嘅部落，每位部落成員都會拎到水晶作為獎勵架！

《石器時代：起源》集《石器時代》成功要素之大乘，恐龍﹑背景音樂等等都可以勾起玩家16年前第一次接觸石器時代嘅感動回憶。雖然遊戲唔再係2D，但係每隻恐龍嘅造型都係忠於初代石器，而戰鬥過程同施展技能都充滿流暢性同震撼力。
重點一提，本作係冇VIP制度，唔好聽出面啲人亂噏呀！所以，就算係原始非洲人都可以享受《石器時代：起源》帶嚟嘅遊戲體驗。

《石器時代：起源》Android下載連結
《石器時代：起源》iOS下載連結
《石器時代：起源》官網連結
《石器時代：起源》Facebook專頁