由北京交典創藝開發，全新創意型態獨立動作冒險遊戲《蠟燭人》，今日發佈最新消息將會於2018年1月18日正式上架PlayStation®4平台。

《蠟燭人》呢款遊戲擁有獨特嘅原創性玩法，採用精緻畫面以及反映現實意義嘅劇情故事，一定會帶俾給玩家前所未有嘅遊戲情感體驗。加上喺PS4版推出嘅《蠟燭人》係“完整旅程版”遊戲，玩家可以體驗小蠟燭完整嘅冒險故事，同小蠟燭一齊探索旅行嘅意義，發光發熱！

《蠟燭人》係一款動作冒險遊戲，將驚險動作、解密兩種元素揉合。喺遊戲入面玩家需扮演識得郁動嘅蠟燭，喺黑暗中依靠自己火光獨行，為嘅就係向著遠方光明而前進——不過蠟燭人只能夠燃燒10秒，光明有時唔係咁易見到……

遊戲特色鮮明，加上獨特嘅原創玩法係遊戲的一大特色。由玩家控制點火及熄滅嘅時間，利用10秒火光時間喺黑暗中摸索前行，憑藉記憶與判斷探索未知世界。喺神奇嘅幻想世界，充滿咗豐富多變嘅挑戰，玩家需要解開光與影構成嘅獨特陷阱謎題，帶埋弱小又執著嘅小蠟燭一齊逃出黑暗，經歷過種種扣人心弦嘅感動時刻，最終你會發現故事真諦。除此之外，遊戲加入豐富動態光影效果烘托出神秘又絢麗嘅奇幻冒險世界，令整個遊戲畫面質感大幅提升。

《蠟燭人》全版本一共有12章，每個章節有3-5關，總共47關。操作簡單易上手，不過遊戲場景及玩法元素多變，務求為每一位玩家都呈現出驚喜不斷嘅遊戲體驗。值得留意嘅係遊戲配樂由Sony/ATV簽約作曲家Zeta為大家帶來細膩動人音樂。《蠟燭人》喺每個遊戲細節都旨在為玩家帶來獨特細緻嘅遊戲體驗，相信玩家一定能夠感受到本作嘅誠意。

為咗增強遊戲重複遊玩嘅趣味，本次PS4版專誠為玩家準備通關獎勵——“時間挑戰模式”。遊戲通關後，再進入任何遊戲關卡，玩家將會見到神秘嘅鬼火上下翻飛同你一齊“並肩闖關”，而你嘅挑戰目標就係必須領先呢團鬼火抵達終點——當你達成呢個挑戰目標，不但每一關時間紀錄將會刷新，喺你闖關過程中嘅完整路徑都會被紀錄存儲，下次挑戰你將會見到鬼火沿著你之前軌跡快速行走——一齊嚟挑戰、刷新自己嘅極限，快速通關過版！喺呢度你可以體驗到最原汁原味嘅3D動作遊戲樂趣。

創新嘅玩法、細膩劇情、精美畫面、神秘氣氛再加埋流順操作手感，相信《蠟燭人》一定會為鐘意原創遊戲玩家帶來一次衝擊心靈嘅冒險旅程。

遊戲資訊
遊戲名稱：蠟燭人
遊戲原名：Candleman
遊戲類型：新型態動作冒險遊戲
對應平臺：PlayStation 4
發售日期：2018年1月18日
語言版本：中文
遊玩人數：1人
年齡分級：12
開發廠商：北京交典創藝
發行廠商：有樂遊戲
代理廠商：有樂遊戲
官方網站：http://candleman.me