由Efun遊戲平台代理，Capstone Games及日本Mobcast聯合研發的足球經理手機遊戲《CMM Champions Manager Mobasaka》(簡稱CMM)，宣佈即將於5月下旬盛大舉行「Club SIM x CMM全港18區挑戰賽」，屆時官方將準備一部CMM活動專用流動車，於未來一個月內走勻全港18區擺下擂台等你挑機，成功挑戰官方隊伍，即可以拎走豐富獎勵！

全港18區挑戰　豐富獎勵等你拎走！

世界盃越嚟越接近，CMM當然不敢怠慢，今次官方就落足心思精心為全港玩家準備「Club SIM x CMM全港18區挑戰賽」活動，實行搵埋架車走勻全港18區，俾大家一個同官方一對一PK嘅機會，只要玩家帶埋手機用個人CMM帳號到CMM宣傳車向官方發起挑戰，嬴到就可以拎走「萬能球員合約」、「技能閃卡碎片」等豐富獎勵！嗱，玩家對戰就打得多啦，用自己實力砌低官方你地又試過未？未就記得把握機會，留意CMM宣傳車嘅出沒地點，準時前往挑戰啦！

巔峰賽事來襲挑戰人生巔峰！

人生起碼都要為自己嬴一次，作為領隊嘅你又想唔想帶領球隊登上人生巔峰？今次CMM透露即將於5月底至6月初推出一個以加強玩家互動為主的全新比賽系統「巔峰賽事」，賽事以30天為一個賽季，玩家以三隊球隊作為基礎與其他玩家進行PK，最終玩家以最高排名為目標爭奪賽季冠軍寶座！

結合現實球員數值　「夢幻聯賽」６月中開鑼！

世界盃令全城狂歡，亦令玩家更接近現實中的球員，因為CMM即將推出「夢幻聯賽」系統，玩法將會與世界盃當中現實球員有深度連繫，球員每場球賽的表現都會「即日」反映到「夢幻聯賽」之內，球員能力即時調整。令大家可感受更即時性、更緊張刺激的比賽氣氛，亦是足球遊戲首次同世界比賽接軌的玩法！

戰神級代言人即將征服CMM！

既然世界盃仲有唔夠一個月就開鑼，身為「可能係最啱香港人玩嘅足球遊戲」緊係唔可以錯過今次嘅球壇盛事啦！所以CMM團隊已經邀請到呢位震驚香港球壇嘅世界級球星做代言人啦！

嚟緊官方會喺CMM香港FB專頁上面舉行「競猜代言人活動」只要估中就有機會拎到勁正嘅遊戲獎勵！

《CMM》官方網站：https://cmm.efuntw.com/

《CMM》全港領隊討論群：https://www.facebook.com/groups/907449042747511/

《CMM》Facebook專頁：https://www.facebook.com/CMM.efunhk/