《戀與製作人》喺一款超現實戀愛經營遊戲，以四位不同個性的男主角與玩家展開互動，培養情感，雖然港台並未正式上架但大陸地區營運已經好一段日子，作品深受唔少女生追棒，搭配超唯美嘅畫風同貼近現實嘅聲優配音，大量女性玩家青睞同支持！
有咁高人氣嘅遊戲於港台上市時亦唔敢怠慢，雖然港台地區未上架但先做宣傳同大家見面，最為曯目莫過於『2018動漫節』攤位活動令在場女性玩家為之瘋狂，數日活動成功亦令遊戲於港台上架前打響頭炮！今次小編有幸收到廠方邀請即時為大家優先試玩，就等小編帶大家望望到底有幾吸引喇！

故事背景：
父親所留低影視製作公司瀕臨破產，立志繼承父親遺願嘅女主角諗盡辦法拯救公司，過程入面，偶然認識咗四位身份懸殊嘅男生，意外捲入一系列不可思議超現實事件，發現世界上真係有超能力，更展開咗一段不可思議嘅浪漫旅程

魅力非凡四大男主：
穿梭女主生命中四位男神各有特色之餘仲有特別超能力！經常為女主做出不可能任務！
四大男主角分別係操縱時間華銳霸道總裁《李澤言》、擁有絕對吸引力溫暖陽光大明星《周棋洛》、神秘能力天才科學家《許墨》同埋風之守護有型特警《白起》！男神加上超能，固然令一眾女粉絲為之瘋狂！

重整公司實力

選擇前需好好考慮

玩法介紹：
而關卡中你將化身節目制作人，需要諗盡辦法令節目收視更好！而拍攝過程中更有特發事件需玩家即時處理，尤如置身真實制作人身份一樣，當成功通過劇情關卡後將獲得經驗材料、升級材料、進化材料等遊戲資源用於自身制作公司上再一次強化實力應付日後挑戰！

短訊互動

動態消息

錄音功能

通話情況

仿如現實般真實社交：
現實中社交通訊功能遊戲中亦會完整呈現，短訊、電話、朋友圈，甚至連動態牆功能都可以遊戲再次用得返，令你可以更輕易了解每位男神性格以及喜好！除此之外錄音功能都可以用得到，隨時隨地重溫男神嘅聲線真係開心到訓唔著，不過咪以為咁就完，話到明最完善社交點可以無《煲電話》呢個可同男神親近功能呀！達到成羈絆星數條件後，相對男主角會隨時致電談心，一見到自己男神打嚟果刻與奮相信只有身處戀與世界先可以感受到！

唔同稀有度卡片

獎勵內容

卡牌系統：
遊戲推進一定程度時可以『許願樹』中抽取卡牌，而卡牌除咗可以關卡中使用外，完成特定定條件可以拎到《羈絆諾言》道具～有咗佢就可以解鎖更多男主角約會情節，從而更加深入了解每位男主角性格同體驗更多不同浪漫情節！

副本關卡

羈絆碎片合成

拍攝副本：
主線達到一定進度後，就會開放名為『拍攝副本』等玩家同男主角有更深一層次接觸，體驗劇情同時仲有大量事件等住你去解決，往後需要更多唔同類型片牌以應付關卡中挑戰，完成副本後亦會獲得一定數量羈絆碎片合成卡牌之用，所以除咗抽卡牌之外努力完成副本都可以加深同各位男主角關系渠道。

招攬顧問

顧問參考

突發事件處理：
身為節目制作人往往需應付唔同突發事件，解決問題就需要唔同顧問幫手處理，如果顧問專長附合當時需應付情況時仲可以令節目得分率上升，收集更多不同顧問係提昇公司實力途徑之一，各方面人材亦可透過日後開放人材市場中獲得！所以玩法上係可以有更多元化

挑戰介面

競爭情況

票房爭霸戰：
除咗浪漫劇情外，戀與世界入面仲可以同其他制作公司一較高下，排行榜中會顯示各位太太公司實力～收集更多唔同羈絆卡牌去打贏每個對手，成為最強制作人公司吧！

語音系統
嚟到介紹尾聲最值得一提遊戲中可以自由選擇台、陸、日三種語音，選定你最想聽嘅就唔怕男神同你講外星語言啦！團隊花盡心思設計只為各位準太太可再次重拾戀愛感覺！

玩後小感想：
以小編試玩過程中音樂BGM同角色配音都有一種難以形容魔力，最令人印像深刻莫過於完善社交系統同埋豐富劇情發展，每次預想不到突發事情更令人期待往後發展，就好似睇緊愛情劇集一樣，而你可以真正成為劇中女主角，咁細膩戀愛作品市場已屬少見，如果係女性玩家就更能體驗作品真正威力！

各位太太們，您哋準備好放膽去愛未？再一次重拾戀愛心動感覺吧！

事前登錄：https://event.joybomb.com.tw/EVOL_MultiEvent/Index
官方網站：https://evol.joybomb.com.tw
官方Facebook粉絲團：https://www.facebook.com/lovenproducerTW