以日本著名動漫【七大罪】改編而成，無論你有無睇過呢套動畫都好，小編都相信大家會俾呢隻高質手機Game畫風以及遊戲性所吸引，咁當然如果係Fans 嘅話就會更加投入啦！其實作品早前已日本地區登陸，熱度方面亦未有減退跡象~今次終於輪到繁中版正式推出，唔怕睇唔明日文～更可以由零開始享受劇情！
事不宜遲~就等小編先為大家率先了解隻Game有咩咁正斗嘅地方啦!

原著劇情豐富
作為一隻由動漫改編作品，劇情內容屬重要因素，遊戲以冒險初始進度帶玩家由頭開始體驗，由相遇團長開始直至往後尋找七罪人極燃劇情都可以遊戲入面玩得到！
而3D 模組/CG方面亦見製作組下了不少苦工，雖然話就話小編係七大罪Fans ，但都唔係記得晒所有場景情節，依家就以遊戲方式再次重新回味！

獨特戰鬥系統
核心戰鬥玩法以回合制對戰為主，每回合可以操作3次動作，可點擊唔同角色技能卡進行攻擊、移動技能卡、重抽技能卡，如果左右遇到相同既技能卡就會自動變成2星技能卡，提升技能效果、戰鬥策略方面屬於一邊使用技能卡、一邊就可以提升技能卡，情況就好似打麻雀儲牌咁～除此之外作品入面角色之間【合擊技】亦都會極燃重現，只要符特定角色技件，大技就會產生變化！係咁多種系統之下當遇上BOSS戰既時真係要動下腦筋先可以嬴到！呢方面都真係充滿挑戰性～

豐富育成系統
角色方面就已包括整個七大罪角色，而其中亦有細分稀有度R、SR、SSR以及最高嘅UR，首先想講就係任何角色都可以升上UR階級，提昇方面亦唔需逼你抽同樣角色合上去，有心肝就只需要慢慢打素材關拎素材就可以成功進化，簡值就係無課福音～
除左階及外角色亦存在星數／裝備系統，簡單講就係肝夠足夠素材就可以進一步提昇能力值，而七大罪中最著名【神器】遊戲中一樣玩得到！

有趣互動場面
隨著劇情發展，遇到唔少同伴都會係酒場之中遇見，團長亦可以為各顧客提供其親手烹飪嘅【美食】可為酒場增加一定好感度，角色亦會隨著羈絆提昇產生不同變化，亦可以為心愛角色換上唔同Skin，咁多變化玩法包你唔會悶～遊戲代入感即時大福提昇度！

角色推薦
大家玩遊戲都離不開抽角色環節，咁多角色邊隻先好？邊隻先勁？唔洗估俊下啦，今次小編就以日版角度為大家介紹以下幾隻角色，等大家可以由頭推關推到尾啦～

藍高瑟

周回推圖全體攻擊，技能亦可以封殺對手使用技能，ＰＶＰ　同　ＰＶＥ萬用角色

綠團長

大大力Full Counter！七罪團長！主角威能！在日後Ｂｏｓｓ　戰單體上有一定亮眼輸出

王女(奶莎)

遊戲中OP角，女主角解放形態，忠實還原著！戰鬥中提供不可思議奶量，高難度關卡奶天奶地！助你輕鬆攻略各大難關～

爆炎小姐(吉拉)

小編私心推介大姐姐，亦係原作中令各大罪第一次陷入困境，角色技能方面可令敵人產生點燃狀態，Ｄｅｂｕｆｆ方面一流，此狀態下更有助團隊大作輸出！

斯雷達

用過嘅人無一不愛，被動打無珠對手爆擊率3倍，搭配內建30%爆率同高爆傷可以開波時間1張卡打成3w傷害，真正享受爆爆樂首選！
除以上卡池角色外，商店中用幣換嘅角色亦都非常強力，但首抽並唔會拎得到，所以就不再作介紹了～有興趣巴絲們建議再自行多多了解～

最後總結（缺點部份）
效能耗電量高
遊戲入面如果需最好視覺享受，相對就要推高效能部份，相對地電量消耗真係大增，而且手機方仲有熱嘅情況，如果想完整體驗呢隻Ｇａｍｅ　嘅巴絲們換部好Ｄ嘅手機都在所難免！

肝度十足
早前已經提及角色育成方面分幾個唔同方向，升星升階都要刷材料，而且每一個城鎮都有大量支線任務需要玩家去完成，所以要有心理準備下載之後要長期作戰！

神器購買
遊戲其中一個重要部份【神器】裝備需要用鑽石購買，由於裝備之後會增加一定能力強化，所以小編都好建議大家去購買，但入手方式只限於商城鑽石購買～希望官方日後可以增加唔同渠道獲得！

講左咁耐小編個人角度方面係建議值得一試，無論畫質以及遊戲性上製作組都花唔少苦功，就好似自己成為七大罪之一～而且現時日版己經推出唔少活動，相信台版進度會陸續跟上！咁好嘅遊戲既絲打們千祈唔好錯過啦～