由網石代理一款休閒小遊戲近日終於上架啦~由於今次作品玩法比較特別~小編今次好想特別為大家介紹下~睇睇呢款可愛風休閒小品有咩咁好玩！
睇完介紹之後相信無論大朋友或姐小朋友都會好想立即試試～廢話唔多講~衣家就立即帶大家睇睇有邊方面有趣地方啦~！

核心玩法
遊戲整體以【猜猜畫畫】方式進行，每關以可愛畫愛引領玩者猜出相對答案！考你創意及反應～除左關卡問題之外亦可以回答由其他玩家設定嘅圖畫題，透過社群軟體分享屬於你嘅作品～如果真係毫無頭緒，關卡內亦設有小幫手道具，令玩者估起上嚟可以更輕鬆～

趣味系統
陪伴著玩家成長嘅【空雅】亦都會隨住進度發展而開放更多服飾替換，除左可以替換可愛造形之外，更可利用升級功能獲得唔同能力值，令往後攻略方面更加輕鬆！

遊戲非常重視玩者之間交流，你亦可以四出冒險透過定位系統挑戰唔同玩家畫出嘅題目～解開周圍更多唔同模式，此外，通過推薦圖畫以及圖畫競賽活動更有機會可以將自己所畫作品登錄遊戲之中成為空雅題目開放俾其他玩家一齊猜題！

豐富社交系統
你亦可以透過准社交系統去欣賞更多趣味性作品，更加可以同朋友之間齊齊遊玩，考驗雙方畫功同判斷能力，總有幾個意想不到嘅答案同題目，亦非常適合唔同年齡層玩家參與！～

百人在線歡樂派對
多人連線中「派對」系統，可以開放各種唔同模式猜題房，同線上玩家輪流出題以及猜題,
而當中【高級派對房】更可以支援過百人同時在線大玩活動，場面混亂又好笑，立即約埋你身邊好友一齊開始遊戲啦！

優點與缺點
遊戲大部份優點已經文章之中提及，不過無論點好嘅遊戲都一定有佢缺點，今次小編就嚟同大家分析下啦
畫圖不太出色令難度提昇
講到明猜畫遊戲當然唔少得畫圖環節啦～好似畫畫苦手嘅小編跟住題目畫已經好難，要其他去估咪仲更加難（笑）

遊戲提示道具不太足夠
一開始遊玩時道具感覺唔太足夠，好多時要估多幾次先可以成功，但要留意因為遊戲製作偏向台灣方面，所以有某部份答案名稱都係台灣方言，香港玩家就要留意呢方面去估啦～

遊戲總結
雖然小編對畫畫方面唔太在行，但估其他人圖畫都算有一定心得，不知不覺就玩左成個鐘時間，對於KILLTIME 都有一定幫助～最重要係唔洗花太多時間去進行遊戲，空閒時間地玩都仲得～非常合適依家咁繁忙嘅玩家！極度推薦巴絲打們下載一試！