三消玩法配合餐廳主題會擦出啲咩火花？今期嘅試玩報告就為大家帶嚟Netmarble即將推出嘅三消益智手機遊戲《夏洛特的餐桌》(Charlotte’s Table)，將三消融合餐廳主題，令到玩家可以一邊享受三消樂趣，一邊化身世界名廚，打理屬於自己嘅餐廳。

作為三消益智手機遊戲,系統會喺開局時候引導玩家慢慢熟悉不同嘅消除技巧以及特性，由淺入深。同其它三消類遊戲較大嘅分別，喺《夏洛特的餐桌》入面三消消元素都替換為顏色鮮艷嘅水果、蔬菜、甜品等等，就連關卡嘅障礙物設置都變成美食，喺體驗嘅過程可以感受到愉悅嘅消除聲效以及細膩嘅精緻特效。

要成為世界級主廚都唔係咁易架，除咗對美食有追求，餐廳嘅整體佈置同埋食物擺盤都好講究。玩家可以自由咁裝飾不同嘅餐飲主題，以及擺盤時各樣設定，由刀叉嘅款式選用，去到餐巾配套，或者係配料醬汁以及餐枱旁邊裝飾，都會由玩家自己決定。

隨著主線任務推進，玩家仲可以解鎖主角《夏洛特》嘅服飾裝扮，通過完成關卡後獲得的點劵，可以購買各種髮型、衣服、首飾等，由玩家嚟自己搭配個性造型。

身為主角嘅夏洛特喺開餐廳嘅過程都唔係咁順利架，中途都有遇過唔少阻滯，就好似劇情序章嘅生日派對都發生唔少插曲，到出嚟開餐廳遇到商人瑞克，幾經辛苦先說服瑞克投資自己間餐廳，喺嚟緊嘅劇情，夏洛特仲會遇到好多角色架，例如係佢嘅老師諾亞，藝術家肯尼斯等等，當中嘅細節就留返俾玩家自己體驗啦！

開頭嘅卡通常都較為簡單，除咗有清析嘅指引，關卡亦都相對較為簡單，但到咗後期關卡，隨住障礙物升級，過關條件亦都會較為苛刻，呢個時候玩家可以喺開始關卡前選擇小道具，咁樣喺關卡入面就能夠獲得特殊道具，咁就更容易通關啦！

呢款將餐廳美食、角色扮演以及三消玩法結合嘅《夏洛特的餐桌》，有別於市面上嘅三消手遊，喺玩緊嘅過程除咗體驗到三消嘅樂趣，透過主線劇情推進，你會對夏洛特有更深入嘅瞭解，加上獨特嘅角色衣櫃令到每位玩家都能夠裝扮到自己嘅個人風格！

【夏洛特的餐桌】官方網站：https://playcharlottestable.netmarble.com/tc

【夏洛特的餐桌】官方FB：https://www.facebook.com/playcharlottestable/