國款手機遊戲相信大家都唔陌生，不過封神題材加埋國戰元素又試過未呢？今次為大家介紹嘅呢款Netmarble全新跨世代國戰手遊《封神殿：決戰神州》,作為跨世代國戰手機遊戲，咁次唔玩三國戰背景，直接引入九州八國戰略地圖，玩家開局就可以揀選出生彊域，爭奪九州！
遊戲基本可以劃分為四大職業，分別係：近戰為主嘅戰士 – 赤霄、遠程法術輸出 – 玄真、遠程射手 – 聖羿同埋輔助隊友嘅雲蘿，目前創角所見各大職業都係有綁定性格，所以揀選邊個職業之前都要諗清諗楚啦！喺後期玩家將會解鎖轉職系統，挑戰特定嘅BOSS，轉職除咗可以拎到額外屬性加成，仲會開啟主動技能嘅天賦屬性！
遊戲內嘅另一個特色系統，當然唔少得要講首領玩法，遊戲入面首領挑戰都可以分為好多種，分別有個人BOSS、野外BOSS、軒轅墳BOSS以及國家BOSS，除咗個人BOSS喺玩家專屬挑戰之外，其它BOSS都需要玩家之間合力組隊挑戰，難度越大，獎勵相對亦都更豐富，要留意嘅喺，挑戰BOSS時候仲會面對其它敵對攻擊，所以記得要搵齊家族巴打一齊組隊挑戰啦！
話明係國戰手機遊戲，點可以唔介紹佢嘅國戰玩法呢？其實喺新階段，己經可以俾玩家率先體驗國戰玩法，喺戰場入面玩家需要率先攻破城門，再同其它國家爭奪城池歸屬權，而體驗玩法就以攻破紂王為優先，後面嘅正式城戰相信就冇咁簡單！玩家需要一步步咁向前推進，通過佔領城池關卡、王城、都城，最後就喺挑戰朝歌！
作為封神題材，遊戲入面好貼心咁加入仙姬系統，玩家可以盡情培育仙姬，除咗有屬性能力加成之外，仙姬每一個階段都會發生變化，就好似最初獲得嘅仙兔咁，進階後就會變成玉女，最高階更加可以變化為仙姬添，望住自己嘅仙姬慢慢咁進階，都咪話唔過癮呀！
講咗咁多，咁幾時先玩得？幾時玩得就未知住，不過遊戲而家進行緊事前登錄，參加事前登錄除咗可以拎到開服獎勵仲有得抽獎添，如果你都玩厭咗三國類型嘅國戰手遊，咁呢款封神題材國戰手機遊戲，都值得一試！記得叫埋巴打一齊參與啦！
https://www.facebook.com/TWIOG
