Netmarble Corporation旗下元宇宙桌遊《旅遊大亨 2：Meta World》已經喺4月19日正式上市，作為《旅遊大享》嘅續作，除咗本身桌遊玩法特色，今次仲可以俾玩家喺元宇宙購買虛擬房產及建築物，同時亦都係MBX 遊戲區塊鏈生態系統嘅一部分！

喺遊戲開始之前，首先就梗係要揀返屬於自己嘅角色先！旅遊大亨2入面有多位角色俾你選擇，造型亦都可以進一步調整，從髮型、身材，以至服飾都有得微調！

進入Meta World之前，我哋要喺Meta島渡過一段新手時間，之後就陸續可以喺紐約、巴黎、曼谷，慢慢咁發展你嘅元宇宙知名地標！嚟度Meta島首先就梗係要購買地塊先，有地塊先可以興建屬於你嘅建築物，建築物也都分左星級，初始星級有1-3星，對星級唔滿意仲可以消秏金幣機率提升星級，而Meta島最高就可以升到7級，對於追求更稀有建築嘅玩家，可以喺交易所競拍高級土地！

想要拎到資金就可以去桌遊地區同玩家對戰，同一般嘅大富翁玩法有少少唔同，除咗令對方玩家破產可以通關之外，達成建造分數亦一樣可以通關！

講到旅遊大亨嘅桌遊玩法，唔少得嘅梗係原作系列嘅角色登場啦！目前已登場嘅角色多達29位，而每位角色都有佢專屬嘅被動技能及主動技能，好似產生不同嘅骰子卡片，或者令自身開始金額增加等等，高階角色仲可以發動瞬間移動特技，以及令過路費收益增加，由此可見合理咁運用角色上陣，將有利玩家喺桌遊嘅對局！

其實除咗新手創角嘅裝扮，喺遊戲入面仲有好多種不同服飾配搭，由髮型、帽子、飾品都應有盡有，而家遊戲商城入面仲有多款服裝組合俾你選購，鍾意外觀嘅朋友記得要留意下啦！

《旅遊大亨 2：Meta World》而家已經正式上線，如果你都對模擬經營以及桌遊玩法有興趣，不妨可以下載嚟試試，遊戲仲加入區塊鏈生態玩法，相信會令你帶嚟更多驚喜！

《旅遊大亨 2：Meta World》官方網站：https://metaworld-mycity.netmarble.com/tc

《旅遊大亨 2：Meta World》官方FB：https://www.facebook.com/MetaWorldTC/