由韓國人氣漫畫改編嘅《神之塔：New World》手機遊戲，嚟緊即將喺香港雙平台上架，小編榮幸能到收到廠商邀請，試玩體驗呢款RPG大作！香港玩家對於神之塔呢部韓國漫畫可能認識較少，但其實喺韓國Webtoon係非常高名氣嘅作品。而今次改編手機遊戲，對於未接觸過呢部漫畫嘅玩家都十分友善。研發團隊將原作嘅主要故事劇情以動畫呈現，體驗嘅時候就好似欣賞緊動畫，特別有投入感！
《神之塔：New World》係一款卡牌收集RPG，玩家可以收集到原作獨有的角色，角色可以分為不同定位及分位，常見嘅定位有坦克、戰士、輔助、魔法師，遠程及暗殺者等等，而定位又可以分為波道使、燈台御守、狩獵者，探索者等，主要是以所持武器作定位，後續可以喺研究所進行能力增加，所以喺隊伍搭配方面都好考心思，同樣喺戰士，但定位都可以好唔同！
作為RPG遊戲，角色育成就肯定唔少得，遊戲的等級慨念會由【神水連接系統】所取代，提升神水連接等級可以百分比提升上陣角色屬性，當玩家抽到心儀嘅新角色，一鍵替換就可以繼續連接位置，唔會浪費培育資源。除咗神水系統，另外亦都有裝備、技能、熟練度，以及好感度等系統，通過提升好感度更加可以拎到角色嘅專屬外框，另外唔少得嘅當然仲有時裝系統，相信遊戲正式推出之後會陸續推出不同角色時裝。
喺玩法方面，神之塔：New World戰鬥以自動模式進行，可以自由設定技能演出鏡頭以及技能嘅釋放時機，，喺自動戰鬥嘅同時亦都可以欣賞到喜愛角色嘅專屬技能特寫。
遊戲主要分為冒險模式以及故事模式，喺冒險模式入面，玩家可以利用已獲得嘅角色進行闖關，攻略關卡獲取資源，遊戲也都設有放置獎勵，離線嘅時候亦都可以不斷累積資源。
而故事模式就主要圍繞原作劇情，可以直接咁體驗3D動畫級數嘅劇情，部分劇情亦都需要通關冒險模式嘅特定關卡先會解鎖。
神之塔：New World手機遊戲作為漫畫改編作品，真實還原原作故事劇情，角色亦都各具魅力，相信能夠符合不同玩家口味，加上本身簡單易上手以及放置式嘅玩法，如果對於動漫題材或者係放置類手機遊戲有興趣，實在非常值得一試！
【神之塔：New World】官方網站：https://towerofgod.netmarble.com/tc
【神之塔：New World】官方FB：https://www.facebook.com/tognewworldtc/
