歡迎收睇今期LVUP新GAME試玩！今次要同大家搶先試玩呢隻由網石集團（Netmarble Corporation）發行的放置類手遊《七大罪：小小編年史》遊戲今日已正式上市，非常榮幸可以在遊戲推出前搶先體驗！即刻睇睇以下試玩報告！
《七大罪：小小編年史》係由韓國廠商Netmarble研發並發行，改編自全球熱門漫畫和動畫《七大罪》，相信大家對呢套動漫都唔會陌生！而今次改編嘅手機遊戲《七大罪：小小編年史》，玩家就可以再次體驗《七大罪》精彩嘅故事同故事入面眾多角色進行互動，準備好冒險未！
《七大罪：小小編年史》係一款非常輕鬆嘅放置RPG手遊，今次七大罪嘅角色全部變晒可愛風格，雖然變左Q版但巨人黛安娜仍然好大隻(笑)戰鬥方面，玩家需要係5X3嘅方格範圍內佈陣，角色分為近戰輸出、坦克、支援、治療等類型，合理組隊就可以輕鬆打贏各種戰鬥！
除此之外角色屬性同技能組都會影響戰鬥，而且角色技能都非常貼近原著，金恩馬上使用靈槍！技能組分為一般、特殊和必殺技能，只要配合好技能就可輕鬆擊殺boss。
講到遊戲嘅特色，除左一般抽英雄之外，酒吧仲有一個抽卡系統獲得金幣、英雄經驗值同埋集合三張廚師卡會遇到特別事件『班的料理』獲得特別的能力加成。
隨住遊戲進行可以獲得大量召喚券抽取英雄，累積召喚等級即可有機會獲得更高稀有度嘅英雄，現時仲有班同金恩pickup!
除左主線關卡外，仲有成長副本、試驗之塔、PVP同降臨戰等緊玩家們挑戰！不斷成長角色向更高難度嘅關卡進行挑戰啦！
目前《七大罪：小小編年史》已經正式推出啦！如果你係《七大罪》動漫嘅FANS，又或者鍾情於放置類型嘅遊戲，小編都建議你下載《七大罪：小小編年史》盡情暢玩！
《七大罪：小小編年史》官方網站：https://7dsi.netmarble.com/tc
《七大罪：小小編年史》官方FB：https://www.facebook.com/7dsi.tc
