今期嘅LVUP新GAME試玩同大家搶先試玩呢隻韓國嘅MMO大作《RAVEN2：渡鴉》，中文翻譯大家可能會有少少陌生，但RAVEN其實以前就推出過，港台叫做《EvilBane : 鋼鐵王者》，相信有打開機嘅朋友都有聽過，而今次RAVEN2：渡鴉就繼承前作嘅世界觀以相關故事劇情，今次仲同時支援手機PC跨平台添！而家即刻就嚟為大家介紹呢隻韓廠大作！

有別於市面上其它嘅MMO手遊，《RAVEN2：渡鴉》喺劇情表達上較為重視，喺主線任務上都採用左電影運鏡，令故事呈現得更具張力，玩落自然更加有沉浸感啦。

遊戲目前可分為七大職業，分別係行刺者、神諭者、狂戰士、夜行者、前衛、元素師及毀滅者，每個職業嘅武器及定位都唔同，揀嘅時候仲可以睇埋角色能力介紹，想玩攻擊手定輔助就更清晰啦！揀完人物記得要客制返個靚樣先得架，遊戲可以俾玩家自由調整面部、身型以及妝容等方面，真係你想點執都得！

除咗一般MMO常見嘅技能書，遊戲仲加入咗特別嘅天堂石系統，賦予天堂石能夠直接學習天堂石技能，變相每個職業的技能搭配空間更高，玩家能夠根據自身職業需要選擇天堂石嘅類型，嚟應對各種戰鬥情況。

遊戲亦有聖衣及使魔系統，通過抽取聖衣/使魔，能夠直接提升自身嘅屬性能力，而聖衣系統仲可以改變角色衣著外觀，部分稀有聖衣仲自帶華效特效！抽唔到心儀嘅聖衣/使魔都唔緊要，可以通過契約召喚將重覆獲得嘅碎片合成，機率拎到更高階品質聖衣/使魔。

講到MMO，收集元素又點少得，喺特工隊手冊入面就收錄咗怪物、地區以及NPC角色圖鑑，通過狩獵怪物，解鎖地區以及完成主線支線任務等等，就可以解鎖圖鑑累積經驗，從而提升軍階獲得屬性及經驗加成！所以就算唔課金亦都可以慢慢咁累積提升自己嘅實力架！

《RAVEN2：渡鴉》已經公佈咗會喺11月20日正式上市，歡迎對呢款遊戲有興趣嘅朋友踏入《RAVEN2：渡鴉》黑暗奇幻世界的戰場！

Ps.以上遊戲截圖為開發中版本，正式發布前內容可能會有所變動，記得以官方正式開服內容為準。

【RAVEN2：渡鴉】官方網站：https://raven2w.netmarble.com/

【RAVEN2：渡鴉】官方FB：https://www.facebook.com/NetmarbleRaven2tc