《七騎士Re:BIRTH》係《七騎士》系列嘅最新力作，承接過去原作嘅世界觀同人氣，帶嚟全新嘅遊戲體驗。而家就等LVUP小編帶大家深入了解呢款遊戲嘅魅力所在！

《七騎士Re:BIRTH》有超過120位英雄，每位都有獨特嘅背景故事同性格，除咗主線故事之外，仲會定期更新迷你劇情，聚焦不同英雄，慢慢揭開更多世界觀嘅細節。遊戲更設有「圖鑑」同「瀏覽紀錄」，方便玩家隨時查閱英雄故事同背景。故事呈現方面就加入咗3D過場動畫同精美插畫，帶俾你震撼嘅視覺效果，完全令你沉浸喺故事入面。

《七騎士Re:BIRTH》採用自動回合制戰鬥系統，操作簡單直觀，玩家透過調整技能時機以及隊伍組合，可以組合出好多不同嘅策略。
遊戲提供多種模式，包括主線「冒險模式」、PvP嘅「決鬥場」同「公會戰」，以及PvE嘅「無限之塔」同「討伐戰」。每種模式都需要唔同嘅隊伍配置同策略，鼓勵玩家試驗新組合，打造屬於自己嘅最強隊伍。

為咗方便玩家，《七騎士Re:BIRTH》亦新增咗針「不間斷自動戰鬥」功能，就算係離線嘅時候，系統亦都都會繼續進行戰鬥，俾你上線個時拎晒所有獎勵。另外，以往經典的嘅「刷肥（刷紅寶石）」系統同「合成系統」今次亦都有保留，玩家透過日常遊玩攞紅寶石同鑰匙，養成英雄後可以再賺更多紅寶石，形成一個自然嘅循環。合成系統仲可以將低階英雄升級為傳說級英雄，唔使課金都可以拎到強大角色！呢啲設計大大咁降低入坑門檻，同時令長期玩家有持續嘅動力。

《七騎士Re:BIRTH》成功將初代嘅精髓同新世代嘅技術結合，無論係世界觀、戰鬥表現、策略玩法定玩家體驗，都做到好高水準。對於鍾意七騎士IP以及回合策略嘅玩家，呢款遊戲絕對係一個值得一試嘅選擇！

《七騎士Re:BIRTH》官方網站：https://sena.netmarble.com/
《七騎士Re:BIRTH》官方FB：https://www.facebook.com/SevenKnightsRebirthTW