『最HIT消息』識得玩,一定係「手動」國戰先最好玩!全港即將進入國戰時代


8888play 平台於今(7)日宣布取得以三國時代為背景嘅新形態MOBA國戰遊戲《決戰天龍》(iOS / Android)台港澳獨家代理權,遊戲預定近期正式上架。
本作將MOBA(Multiplayer Online Battle Arena,多人線上競技)與 3D ARPG 要素完美融合,玩家將能感受不同以往國戰遊戲體驗。

激戰MOBA競技模式
《決戰天龍》入面嘅MOBA競技系統係本作一大特色,配合3 V 3形式,玩家可以從收集到嘅武將之中挑選一位同你一齊落場殺敵。而每位武將本身都有各種獨特特性 牽制、暈眩、減速、護盾、爆擊等,點樣同隊友夾埋揀選出戰武將將係本作中嘅一大魅力。

而同其他一般MOBA遊戲唔同在於《決戰天龍》入面採取直線玩法,睇到呢到以為直線好易玩?咁你就錯啦,直線玩法嘅好處在於10秒就遇到敵人20秒就可以深入敵陣進行拆塔,過程緊張刺激緊湊,當中精髓在於點樣可以利用有限空間吸引敵人幫助友軍順利拆塔,相信就算有玩開MOBA遊戲嘅玩家都會覺得充滿挑戰性。


四大職業 相輔相成
《決戰天龍》強調團隊合作,所以遊戲入面4種職業之中係冇強弱之分,只有互補不足,等玩家可以各司其職、扮演不可或缺嘅角色。

【法師】
•生命值 ★★
•法力值 ★★★★
•物理攻擊力 ★
•法術攻擊力 ★★★★
•職業特色:遠程傷害、群體傷害、減速、護盾、閃現

鍾意楚楚可憐加上超Q雙馬尾嘅玩家,法師就係最啱你嘅選擇。手持神兵鳳紋扇揮舞間充滿不可思議魔力,攻擊方式為遠程法攻為主。

【儒將】
•生命值 ★★★★
•法力值 ★★★
•物理攻擊力★★
•法術攻擊力★★★
•職業特色:近程傷害、連鎖傷害、群體恢復、減速

深邃嘅眼神、高大嘅身形、仲要手握龍紋劍簡直係富二代嘅基本標準。配上肉盾型武將 董卓 或 呂布,即可萬軍之中取敵將首級如探囊取物,攻擊方式為近戰法攻。

【猛士】
•生命值 ★★★★
•法力值 ★★★
•物理攻擊力★★★★
•法術攻擊力★★
•職業特色:近程傷害、暴擊、震暈、高物理護甲

豐厚嘅胸肌、霸氣嘅外形,鍾意粗獷型嘅玩家一定唔好錯過猛士呢個職業。手執霸刀、一嘢飛埋去,簡直係近戰物理爆發嘅佼佼者。

【射手】
•生命值 ★★★
•法力值 ★★★
•物理攻擊力★★★★★
•法術攻擊力★★
•職業特色:遠程傷害、無視防禦傷害、命中、減速

充滿氣質嘅外形,玲瓏浮凸嘅身體線條,啱晒鍾意扮演成熟御姐嘅玩家。一支穿雲箭再加三支毒藥,華麗轉身射爆敵軍,殺人於無形,就係對射手最好嘅描述。
全方位開闊視野 無接縫 3D 世界
《決戰天龍》採用無接縫地圖系統,等玩家喺作戰時享受開闊嘅視野,擺脫一般遊戲不斷loading地圖嘅惡夢!遊戲畫面以真實三國歷史場景,結合仙境元素嘅3D 表現方式,成個遊戲世界彷彿被煙霧繚繞,籠罩朦朧柔美嘅氛圍之中。




遊戲名稱:《決戰天龍》
推出日期:1月上旬
對應平台:iOS / Android
遊戲類型:MOBA+ARPG
官方Facebook專頁:https://www.facebook.com/8888play/

粉紅大少爺

作者:粉紅大少爺