『新作上架』開創競技國戰新時代！《決戰天龍》今日殺到埋身

8888play 平台於今（21）宣布以三國時代為背景嘅新形態MOBA國戰遊戲《決戰天龍》（iOS / Android）正式於雙平台橫空出世。《決戰天龍》雲集萬人國戰﹑多人競技及ARPG於一身，實可以滿足到好戰嘅您！值得一提，喺武將技能特效方面開發團隊真係落足心機，令玩家好似喺手機到玩緊真三國咁，真係好似食左爽浪咁鬼爽。

超迫真3D場景令人耳目一新
《決戰天龍》遊戲風格上面雖然屬於古代風，不過建築特點鮮明，整體色調既懷舊又不失現代感。
而當中每個武將所擁有嘅技能又各有特色，玩家可依照戰況從中切換操控角色，戰略性亦較其他同類型遊戲豐富。

百變玩法闖入亂世時代
《決戰天龍》開發團隊知道好玩嘅玩法就係留住玩家嘅根本。尤其係喺遊戲前期，一定要展示出遊戲嘅獨特魅力先可以留住玩家。所以本作喺前期體驗方面唔單止可以帶動玩家熱情，仲可以用特色玩法吸引玩家繼續玩落去，呢方面真係有晒誠意。
遊戲入面嘅烽火皇城、軍團競爭、比武場、軍銜、九龍鼎等等呢啲特色玩法喺20級之前全部都可以體驗到，而呢個過程唔會超過30分鐘。核心系統國戰更加喺達到25級就會馬上開放。

平民國戰遊戲嘅皇者　非《決戰天龍》莫屬
喺大環境之下嘅國戰遊戲，要成為一個高階玩家就要有一定嘅財力先可以達到。不過喺《決戰天龍》入面就唔同，只要你有心人人都可以做英雄！
以元寶為例只要通關戰役關卡、完成日常、完成消耗、比武場及各類活動，都可以有機會拎到一定數旺量嘅元寶；再好似武將培養、裝備養成都會有各自嘅取得途徑，花啲時間就可以收集晒。

總之，《決戰天龍》實現遊戲全民化，遊戲平衡化，再加上豐富嘅國戰玩法，ARPG結合策略性，成為國戰遊戲中嘅佼佼者。無論係皇城爭霸、邊境戰，定係即時PK、官渡之戰、官職爭奪都係備受玩家推崇嘅新玩法。
仲望？快啲叫齊班FD入嚟呢個大國戰時代幫自己所屬勢力出一分力啦！