《六花的勇者》芙雷米·史披德洛 Photo By 刑の攝影記事

手機遊戲《陰陽師》妖刀姬(櫻羽刀舞) Photo By WilsonCosplayphoto


《GATE 奇幻自衛隊》蘿莉·麥丘利 Photo By UPITA Photography

您好 斯Naki ，多謝您接受我地LVUP.HK訪問！今次我地就準備左幾條問題嘅，呢啲問題妳嘅 FANS應該都好想知

大少爺：妳玩咗Cosplay幾多年呢？
Naki：由第一次到宜家已經5年了，不過頭3年都係只係出過幾次左右，覺得正式出Cos嘅就大概2年幾左右。

大少爺：咁係咩原因令妳開始接觸Cosplay呢個奇幻世界？
Naki：其實當初對Cos並無太大興趣，直到讀書嘅時候識左有Cosplay開嘅朋友，先開始去Cos。Cos有種令自己完全投入係鍾意嘅角色入面，同埋Cos系表達自己對角色嘅愛嘅其中一種途徑。

大少爺：其實我自己睇妳外表都幾難想像到妳有玩Cosplay，咁妳仲記唔記得第一次Cos係邊個角色呢？
Naki：第一次Cos係v家嘅luka，當年仲係v家好流行嘅時候，event周圍都會見到同好亦都會好開心，不過宜家出v家嘅Coser真係越黎越少。

大少爺：見妳FB PAGE都好高人氣，有無遇過一d鬧妳嘅人，而妳又會點去面對或者處理？
Naki：我認為有鍾意自己嘅人就一定有唔鍾意自己嘅人，善意嘅意見可以接受，惡意的話亦唔會特別去在意，與其花時間係討厭自己嘅人身上，不如令鍾意自己嘅人更鍾意自己。

大少爺：「不如令鍾意自己嘅人更鍾意自己」妳呢句我鍾意，咁妳而家有冇計劃出下隻角色？可唔可以透露少少呢？
Naki：最近我計畫緊出唔少fate系列嘅角色，我出嘅角色主要都係圍繞強勢，色氣，禦姐系的，其中最近好深得我心嘅就係賽米拉米斯。

與Naki氣質相符的《Fate/Apocrypha》「亞述女帝」賽米拉米斯

大少爺：其實妳自己揀角色出嘅條件係咩？角色人氣？作品知名度？定係有愛？
Naki：我首選係鍾意，因為唔鍾意嘅話根本無可能花咁多時間去整衫同出呢個角色，就算套作品比較冷門，但由自己嘅Cos吸引到人去睇原作，其實都會好滿足。

大少爺：COSPLAY服飾妳會鍾意自己整定係買現成嘅再去加工？
Naki：裁縫方面我並唔係太擅長，但我會自己去揀布料去訂造服裝，之後自己再加工。服裝不單止車工緊要，唔同嘅布料選擇亦可以帶黎唔同嘅效果。

大少爺：其實妳入面都有唔少尺度大嘅相，怕唔怕比啲怪叔叔騷擾？
Naki：其實最重要系識打好底同保護好自己，遇到有問題嘅事唔好怕要出聲就無問題。

大少爺：相信有唔少人都想踏足呢個圈子，有冇啲建議可以比佢地？最需要係咩元素？勇氣？愛？
Naki：有愛係出Cos嘅動力，而Cos最重要嘅係去投入個角色，代入角色嘅一切，唔需要怕醜，放膽去做就OK ! 當然髮型，服飾，妝感都好重要，如果覺得無從入手嘅話都可以參考下其他Coser，然後努力練同試，對住鏡練表情，一定可以幫妳出得更似!

大少爺：最後一題，老老實實，以妳專業眼光小弟COS邊個角色最型？
Naki：我覺得你可以試下GANGSTA入面嘅尼古拉斯，是個十分有魅力的角色 ! 其實曾經我也Cos過他的拍檔，哈哈

《GANGSTA.》尼古拉斯（一陣收工去剪佢個髮型先）

今次我地「COSER零距離」就訪問到呢一到，好開心Naki可以成為我地第一集嘅嘉賓，嚟緊我地都會不定時咁採訪香港唔同嘅Cosplayer介紹佢地俾大家認識，等大家可以深入了解佢地另一面。其實未採訪時就咁睇相覺得Naki係個冰山美人會好難溝通，不過接觸過後佢個人真係好有正能量會感染到其他人。

福利滿滿的 斯Naki Cosplayer
To be continued…