人氣劇集世界觀MMORPG手遊《阿斯達年代記：三強爭霸》試玩體驗報告

由網石集團（Netmarble Corporation）推出全新大型 MMORPG《阿斯達年代記：三強爭霸》已經正式推出，主打享受精美遊戲畫面同具有深度嘅遊戲體驗，本作強調高自由度嘅遊戲玩法。而市場上已有大量MMORPG題材嘅遊戲，到底呢一款表現又如何呢？馬上為大家進行試玩體驗Lets’Go！

《阿斯達年代記：三強爭霸》今次呢部作品根據《阿斯達年代記》IP以虛構嘅土地阿斯大陸為背景，講述咗理想統一國家嘅誕生，以及係入面生活嘅人彼此鬥爭同團結嘅愛情、神話、英雄故事等等。

阿斯大陸嘅控制權由「阿斯達」、「亞高」仲有「不法者」三個勢力當中展開咗大規模權力鬥爭。玩家可以透過遊戲中嘅真實社會體驗，包括激烈競爭同各勢力之間錯綜複雜嘅政治與經濟合作，享受 MMORPG 當中嘅樂趣有如置身真實世界一樣。

《阿斯達年代記：三強爭霸》分別有四大職業，玩家除咗可以選主職業仲可以揀選副職業，結合使用主職業技能同副職業常用技能，透過各種被動技能嚟創造唔同嘅技能組合，總共有8個技能欄位同被動技組合，根據情況自然改變職業玩法相當多變。

阿斯大陸細緻嘅地域同天氣變化令我非常驚喜，巨大嘅大黑崖、發達嘅村莊和
廣場、整潔嘅道路等，令我感覺更加置身於阿斯大陸裡面。仲有非常出色嘅天氣系統，除咗有晝夜變化，天氣都會不停改變，唔同嘅地區仲分咗熱帶、寒帶、溫帶等不同氣候環境，玩家需要根據天氣同氣候變化來更換唔同合適嘅服裝。

喺初期遇到第一個4人副本，開始可以同其他人組隊探險，遊戲特別獨有小隊協作壓制技能，有首領全滅技同核心模式無力化，而且利用屬性武器攻略首領嘅弱點破壞部位之後，獎勵亦都會提升充滿挑戰性同樂趣！

《阿斯達年代記：三強爭霸》手機遊戲作為漫劇集改編嘅MMORPG，今次嘅試玩過程當中充滿不同嘅驚喜，角色設計、地圖場景、生活玩法各具魅力，相信能夠符合唔同玩家口味，加上，如果對於MMORPG題材嘅手遊有興趣，實在非常值得一試！

【阿斯達年代記：三強爭霸】官方網站：https://arthdal.netmarble.com/tc

【阿斯達年代記：三強爭霸】官方FB：https://www.facebook.com/NetmarbleArthdal.tc